The People's Voice | Vos Di Povu

forcv · Site Admin Joined: 11 Oct 2005 Posts: 203

Pa Agnelo Montrond

Kulunista di FORCV y Prusor di Kriolu na Kulégiu di Bridgewater y Massasoit[/b]

Stória, stória, fartura de séu amén.

Na prinsípiu, Déus poi tudu limárias nómi. El poi burru nómi di “Manuel Da Graça”. Déus rakomenda tudu limárias pa-s lénbra ben di ses nómi, pa-s ka kunfundi ses nómi ku di ninhun otu limária.

Pasadu un ténpu, Déus riuni ku tudu limárias y El pergunta kada un di es kal ki éra se nómi. Tudu limárias fla ses nómi dretu, ménus burru ki skesi di se nómi. Anton Déus xatia ku el y El fla-l: abo, bu nómi é Burru, y bu ta fika burru pa tudu ténpu. Na tudu kau ki bu bai, bu ta ser sénpri burru: na ladera, na kobon, na kutélu, na parlaméntu, na tribunal, na guvérnu, na oposisãu, ó na ONU, bo é ki é burru. Juméntu gó é bu nominhu di kaza.

Na skóla, Burru ta staba ku korda largadu ta spadjiga koxu pa tudu banda. El ka tenba ruspetu pa ningen, nen pa se prufsor ki éra rei di burru. Livru prifiridu di Burru éra un livru ki Mintirozu skrebi. Kel livru poi Mintirozu fika famozu, ti ki el ganha prémiu nóbel di mintira y konta ka-si. Parti más sabi di livru di Mintirozu éra na página 13. E éra si: “Prufsor di burru éra úniku burru ki óras ki kes otus limárias ta staba ta durmi, podeba zurra ku tudu forsa pa-s podi fika ta sabi ma el é ki tenba Ph.D. (dotoraméntu) na burraria, mestradu na salvajaria, otu mestradu na da koxu ku expesialidadi na karrega karga pizadu na ténpu di azagua, baxarel na kabésa ka prontu, otu baxarel na gataria y makakaria, prufesor katedrátiku di plajiarismu ku txeu piskiza fetu y un bokadu di óbras kopiadu na internet publikadu ku se nómi y ki é rekonhesidu mundialmenti. Dotor Burru fla ma dja el burru dja, pamodi el é ki é maridu-l bésta. Ken ki ka fika sabi prublema é di sel.”

Na béspa di dia di Sãu Nunka, limárias tinha ki disidiba si éra burru ó mintirozu ki ta fikaba Kabu Xefi. Mintirozu fazi kanpanha y el fla limárias pa-s toma kudadu ku vota na Burru, pamodi Burru ta staba na kuzas ka dretu. El fla-s ma Burru ta staba ta uza dinheru xuxu, ma alguns limárias ta staba ta finansia alguns prujétus di Burru ku dinheru di dróga. Tudu limárias fika spantadu ku kel konbérsu di Mintirozu. Burru kexa na tribunal di Zóna, má ti oxi juis ki ta staba xintadu na un moxinhu, ka julga kel kazu. Talvês, el sa ta spéra pa Koné bai di Mérka. Burru perdi eleison pamodi limárias kardita na kel konbérsu fiadu di Mintirozu. Anton, inda oji é Mintirozu ki sa ta manda na tudu limárias. Mintirozu é Kabu Xefi, Rei, y Dónu, di tudu limárias: di pikinoti ti más grandi. Mintirozu ki sa ta manda na tudu txikeru, tudu manjedor, tudu lapa, tudu gudjeru, tudu stibaria, tudu barraka, tudu padjigal, tudu tosa, tudu sistérna, tudu tabérna, …

Un belu dia Burru ku Mintirozu kontra ku kunpanheru. Mentirozu purgunta burru: “É burru ki é mintirozu ó é mintirozu ki é burru?” Burru responde-l: “ Ben, mi nha opiniãu é siginti: N ka favor, N ka kontra, antis pelu kontráriu.” Mintrirozu akresenta y fla-l: bo é onéstu y trabadjador; pur isu ki-m gosta di-bo. Bo ki é midjór fidju di nos térra. Nu mesti un líder sima bo ki é ka favor, nen kontra, antis pelu kontráriu. Bo é un bon lider pamodi povu ki ta guia-bu. Kuza ki es fla-bu, si é verdadi ó mintira, bu ka ta nporta. Bu ta kunpri.

Un dia, Mintirozu konta Burru uma mintira y el purgunta-l kal ki éra se opiniãu. Burru labanta xeiu di bazofaria y el respondi: “Bon, mi na es asuntus sériu sima kel ki nu sa ta fala di el li, N ka nen favor, nen kóntra, antis pelu kontráriu. Mintirozu sabia ma Burru é ka éra kapaz di diskubri se mintira. Anton Mintirozu ta pasaba se ténpu só ta goza ku Burru.

Kuzas bira margós kantu Burru txoma Mintirozu di mintirozu, nun kazamentu undi Mintirozu éra padrinhu y staba ta fazi un diskursu. Malkriadu paga kafuka y limárias kumesa un gérra sen donu. Es tranka pórta pa ningen ka sai: txopu sendi na paredi kantu porku fika ta kufu-kufu, toru fika ta nbia algen, baka ta poi txifri pa tudu banda, katxor ta ladra, enfin. Éra un konfuzon total.

Pasadu uns dias, nun fésta di botizadu, ki Burru éra padrinhu, Mintirozu ki staba na un otu botizadu ki el éra padrinhu, txoma Burru di burru. Es atxa ma es staba ta insulta kunpanheru dimás, ma es tinha ki fazeba algun kuza pa para ku kes insultus. Anton Burru kexa di Mintirozu y Mintirozu kexa di Burru. Es tevi ki bai pa tribunal. Burru iziji ma juis ka podia ser mintirozu y Mintirozu iziji ma juis ka podia ser burru. Burru dja da koxu, zurra, y fazi diabus-kuatu. Mintirozu tanbê dja fazi un bokadu di disparati ti ki es txiga un akordu. Burru fla ma el ta seta bai pa tribunal má juis ka podi sérba nen mintirozu, nen burru, antis pelu kontráriu.

Kazu di Burru ku Mintirozu foi sigidu ku txeu interesi pa tudu limárias. Dia di julgaméntu tribunal staba xeiu di limárias ki kuazi ka tinha kabu nen di poi pé. Staba juméntu ki éra tistimunha di Mintirozu, lobu, xibinhu, tia Ganga, Maria Kondon, katxor di pekadu, Bela Adormesida ki kordadu pa bai obi kel justisa, grupu rabéladu, Anita na Justisa, y Pinókiu ki éra tistimunha ki Burru leba. Nariz di Pinókiu fika ta kunprida óras ki mintirozu fika ta da dipoiméntu. Kada bês ki burru papia, juméntu fika ta da koxu y ta zurra. Kel juis anula kazu pamodi el atxa ma é normal burru ser burru y tanbê ma mentira é ka krimi. El atxa ma ka kumetedu niun krimi. Dia di senténsa final, juis ki éra rei di burru, bistidu tudu di prétu, lé sentensa y el fla: “Burru é ka mintirozu, nen Mintirozu é ka burru, antis pelu kontráriu”.

Sapatinha rubera baxu, sapatinha rubera riba, ken ki sabi más konta midjór.

Lu di Dulce · Joined: 16 Feb 2006 Posts: 214

N pensaba ma es foro era pa expressao de ideias ki ta inspira positivismo. Nganado ki'n staba. E midjor trocal nomi: Para ajustos de contas, log into The People's Voice. Senhor "Professor", nhu busca denominador un poco mas superior pa nos foro. Pessoalmenti n ta atxa utilizason dum espaco des tipo pa ajusto de contas ofensivo. Quaisquer que seja nhos problemas, keli e um utilizason de espaco, embora virtual (ilimitado) ki ka ta fazi sentido. The People's Voice nton dja bira, Kau di Rueh, Casa da Palestra, Lugar di Xuxadera. Ku tudo kuza serio ki nu podi debati, e pena perdi tempo ku pipocas. Mas kem ke mi pa disflah u ki dja sta fladu. O nton djan perdi nha sentido di humor. Se calhar humo dja toma lugar di miolo.

Kriolista-Terra-Terra · Joined: 19 Jan 2008 Posts: 7

Lu Di Dulce

N ta atxa ma inda nho debi kontinua ta pensa ma es ixpasu ki FORCV kria é pa expresa ideias ki ta inspira puzitivismu. Y si nho for pioneru na uza-l pa promovi negatividadi, kontrariamenti a u ki nho pustula y profesa, anton nu sta peranti un kontradison iminenti di algen ki ta pensa óras ku kabésa di riba, óras ku kabésa di baxu, óras ku kabésa di direita, óras ku kabésa di skérda, y óras sen kabésa, sen tronku, y sen menbrus. Y un alérta di un amigu di tudu leitoris di FORCV: ka nho tenta inbrudja ningen ku es falsu pretenson ma sa ta uzadu FORCV pa ajusti di kóntas. Keli é puru invenson di nho y ka sta skritu na textu di nos artikulista y kulunista Senhor Prof. MONTROND. Nho ten liberdadi di lé un kuza y intendi otu. Má é ka kurretu tenta kontajia otus ku es duensa di-nho. Ta parse-m, y si N sta erradu N ta pidi diskulpa, ma nho ka intendi profundidadi y dimenson semantika ki es exsilenti óbra di arti na literatura kabuverdianu ki es artigu eruditu ta enjendra. Nho txeka reason na asemana.cv y nho ta atxa alguns iliméntus ki di sertéza ta djuda nho intende-l midjór. É di kes midjór artigus na Kriolu ki dja mandadu pa FORCV ki ka da-l distaki ki el meresi. Má FORCV debi ten ses razon ki N ta spéra é diferenti di es di nho. Ó será ki nãu?
Es stória é más ki un sínplis umor só pa fazi algen ri. É ka un sinplis xuxadera pa rué sima nho sa ta pensa. Ka nho inbarka na un vou razanti, nho ten ki bua altu pa nho podi odja kuzas ki sta na altura. Si nho ta bua baxu, nho pidi buleia anton. En relason a miolu di nho, ku tudu ruspetu ki N ten pa nhas konpatriotas, N ka ta fazi ninhun kumentáriu sobri minhókas ki nho fla ma nho teni la.
Nho torna lé kel textu di novu ku puzitivismu y N sta kunfianti ma des bês nho ta konsigi intendi kes parábulas riku di signifikadu y alkansi intelektual.

Kabuverdianamenti,

Kriolista-Terra-Terra

Lu di Dulce · Joined: 16 Feb 2006 Posts: 214

Resposta bem dado e escrito, todavia bu opinião ka ta passa di ser BU OPINIÃO. Kuanto a ser pioneru de negativismo, si bu ta considera Verdade como tal, nton txoman REI de negativismo. Não só isso, tambê n ta reivindical, LOL.
Tambê, n tem liberdade de lê entre linhas, di detecta subliminal la undi é sta, e denuncial de mesma manera ki'n denuncia certas cuzas ki foi confundido ku NEGATIVISMO, porque na nos terra si bu ataca sistema ku verdade, bu ta txomado de mentiroso, mas inda ninguém ka da prova de o contrário do ki'n fla: n dâ dia, hora, ano, nome de pessoas (ministros, directores e outros) ki'n lida kol, n apresenta factos e única resposta foi ataca nha integridade, di mesma manera ki bu sta ataca nha inteligencia hoje.
Nunca factos relatados foi atacado. Nunca. Nha integridade foi atacado e foi necessario variadíssimos dentre nhos, um riba dotros, um trás dotros, mas até hoje ninguém ka consigui prova ma u ki'n fla é ca verdade.

Clássico: ataca mensageiro, já ki bu ca podi ataca mensagem.

Kriolista-Terra-Terra · Joined: 19 Jan 2008 Posts: 7

A seguir um texto relacionado com o artigo em apreço, publicado no A SEMANA por João Silvestre Alvarenga:

O crioulo além de "xuxanti" é altamente criativo: a cada passo da nossa história recente, especialmente, (independência, democracia, “País de Rendimento Médio”), cunha novos termos categóricos para classificar ou autoclassificar seus mais “ilustres” personagens. O inventor pode ser “os da rua” (na acepção do Germano Almeida, in Asemana, nº 844, p. 3, 14/04/0 Cool

ou o “chefe”.

Definitivamente entraram para o léxico político cabo-verdiano o “Burro” e o “Mentiroso” pelas mãos (boca!) de chefes políticos da nossa praça em eventos públicos registados e testemunhados por várias pessoas que não deixaram margens para qualquer dúvida de sua autenticidade pela abundância de meios de prova deixados nesses locais.
Ocorreu um processo longo de “maturação” até se conseguir encontrar as fórmulas de “Burro” e de “Mentiroso” que traduzissem a essência dos respectivos personagens na perspectiva inversa do “Burro” e do “Mentiroso”.
O actual “Burro” nascera (1) “Doutor”, aquele que sabe tudo, quase um gênio; virou pouco tempo depois (2) “Ventoinha”, uma coisa, um simples objeto electrodoméstico dispensável que fica jogado em qualquer canto da casa quando não é utilizado; agora foi chamado de (3) “Burro”, um animal doméstico de muita utilidade no interior de Santiago, Santo Antão e em outras ilhas agrícolas mas sem nenhum prestígio entre as limárias; é aquele que dá coice, zurra (não fala!).
O “Mentiroso”, companheiro de jornada do “Burro”, nascera como (1) “Melhor Filho da Nossa Terra”, aquele que teria como prémio dessa “qualidade”, todos os privilégios possíveis e imagináveis; passado um tempo, virou (2) “Pé di Tambarina”, uma árvore resistente às secas e intempéries que tanto nos assolam, mas que dá frutos ácidos; chegou ao patamar actual de (3) “Mentiroso”, aquele que falta com a verdade; em quem não se deve acreditar; o moralmente indesejável (lembrando que a mentira é um dos pecados do catecismo!).
Ultimamente, o “Burro” e o “Mentiroso” andaram se estranhando e se queixando mutuamente porque não gostaram dos novos nomes que receberam um do outro.
Foram escritos artigos em jornais, proferidas declarações nas rádios e televisão reclamando e exigindo desculpas públicas da outra parte porque uma parte se diz ofendida por um simples nome “carinhoso” considerado pela parte adversa.
Nem o “Burro” e muito menos o “Mentiroso” se comoveu com tais reclamos e ninguém arredou os pés das respectivas posições iniciais, o que legitima as preocupações de muitos cabo-verdianos. Consultando os jornais cabo-verdianos (impressos e digitais) percebi que alguns leitores estão “preocupados” em saber em quem votar nas próximas e futuras eleições em Cabo Verde, se no “Mentiroso” ou no “Burro”.
Exorto a quem de direito que promova uma pesquisa científica para descobrir se o “Burro” e o “Mentiroso” nos respectivos campos semânticos são resultados de uma evolução, involução ou se são apenas mais uma sinonímia dos respectivos campos semânticos, ou ainda, se existem outras hipóteses.
O mais espectacular nesta história toda será o dia em que o “Burro” virar mentiroso e o “Mentiroso” se tornar burro. Teremos um “Burro” mentiroso e um “Mentiroso” burro!!!! Comparando os dois ficará mais difícil ainda escolher!
Sapatinha rubera riba, sapatinha rubera baxu, , ken ki sabi más konta midjór.
João Silvestre Alvarenga

Only registered users can see links on this forum!
Register or Login on forum!

Lu di Dulce · Joined: 16 Feb 2006 Posts: 214

Kantu vez nu odja nos pessoal acapara contos de imaginário público pa fins muto mas pessoais, consequentemente pa transmiti mensagens "subliminais". Hey, bu podi lé un cuza e comprendi otro.
S-U-B-L-I-M-I-N-A-L. Tudo na percepção.