Guvernador di stadu di Nova York, Elliot Spitzer, paga um "garota de programa" $4.000 mil dola pa 2 hora di sabura na um hotel di Washington D.C. Kel disizon la kustal seh kargu(posison) - dje renunsia di seh kargu komu Gyvernador di stadu di Nova York.

$1000Hour fancy girl


Ma, pior inda ka kontisi. Spitzer podi ba spanta na txabi(prisao) propi, pur kauza di si involvimentu na prostituisao inter-stadu. Kel minina di "programa" (foto) ki Spitzer botadu mo kol, bem di Nova York pa Washington D.C. so peh mostra Guvernador uns tempinhus di sabura na saldo di $1000(mil dola) pa hora. Keli eh um krimi federal. Pur isso, Guverno federal di Merka sa ta invistiga Spitzer sobre seh involvimentu na prostituison inter-statu, ki podi kustal seh liberdadi pa txeu anos. Paxenxa pa Spitzer.



A tempos a tras li, Spitzer, um politiku ambisioso, sa ta pensaba konkori pa Presidenti di Merka na futuro. Gosi li, dja, seh pensamentu y sonhu di ser primeru Presidenti di EUA di origin judeika, dja fika pa nunka mas ku kel skandulu li. Keli eh so pa nhos odja ma na politika ka tem garantia. Oji um politiku podi sta la seh puleru, manhan eh podi sta na bera di dizemprego, o pior, na bera di ba txabi.

Kel keda di guvernador di NY li e algu di brigonha. Polítikus kuandu bu ta kumesa kunfia nes, la kes ta dizapontau. Keli foi kazu di pupulason di NY i fora di la ki tinha tantu speransa na Spitzer la komu un algen onestu i difensor di moralidadi. Enfin. E kaba pa kauza si propriu suisidiu na vida polítika.