By Agnelo Montrond FORCV Columnist and Cape Verdean Language Professor at Bridgewater S. College & Massasoit C. College


BROCKTON - Since the colonial period, Cape Verdeans have undergone many struggles with success: the literary movement to denounce the unfavorable situation on the archipelago aligned with the movement for the independence, made it possible on July 5th, 1975, which marked the beginning of a new era; the first Cape Verdean government took office and was recognized worldwide; they successfully faced the challenge of developing the poor country they inherited; continued efforts have been made for the betterment and empowerment of their lives; improvements have been made in several sectors: infrastructure, transportation, education, economy, public health, safety, security, etc; the first constitution of Cape Verde was draft; the international cooperation has provided a tremendous help in Cape Verdeans quest for development, namely the human resources – many Cape Verdeans have gotten their college degrees overseas and have returned to the archipelago to better serve the country.

Since the colonial period, Cape Verdeans have undergone many struggles with success: the literary movement to denounce the unfavorable situation on the archipelago aligned with the movement for the independence made it possible on July 5th, 1975 which marked the beginning of a new era; the first Cape Verdean government took office and was recognized worldwide; they successfully faced the challenge of developing the poor country they inherited; continued efforts have been made for the betterment and empowerment of their lives; improvements has been made in several sectors: infrastructure, transportation, education, economy, public health, safety, security, etc; the first constitution of Cape Verde was draft; the international cooperation has provided a tremendous help in Cape Verdeans quest for development, namely the human resources – many Cape Verdeans have gotten their college degrees overseas and have returned to the archipelago to better serve the country.

Approximately 10 years after the independence, a major change occurred on the Cape Verdean political system: a democratic form of government was adopted on the republic of Cape Verde and a significant progress on the human rights became reality. A new government took office and the constitution was revised in order to grant more freedom and rights to all Cape Verdeans. That constitutional revision kept Portuguese as the official language of Cape Verde and set forth a provision that clearly states that the government of Cape Verde should create conditions to enable the Cape Verdean Language to become official along with Portuguese. It further states that all Cape Verdean citizens must know and use the two official languages: Cape Verdean Language and Portuguese.

Even though the due follow-up to the aforementioned constitutional disposition has been missing in action by all those to whom it may duly concern, we must recognize that a lot has been done in an effort to promote and value the Cape Verdean national language. Institutions of Higher Education in the United States, namely Massasoit Community College, Bridgewater State College, amongst others, have been providing a tremendous help by offering courses in Cape Verdean Creole to area residents. Americans from different walks of life, who interact with Cape Verdeans either socially or professionally, have enrolled in those courses in an effort to initiate the learning and development of the Cape Verdean Language, History, and Culture. Many have witnessed that by getting acquainted with the Cape Verdean language and culture, they felt they were better prepared to interrelate with Cape Verdeans regardless of their ages, social status, or educational background. We all know that studying different languages and cultures allows for the establishment of greater and effective interaction between people. On this tone, I would like to remind you that today’s American society is no longer a "melting-pot". It is rather “a mosaic" that mirrors strong and growing distinct ethnic identities that remain a vital factor in shaping values and principles.

Last but not least, let me cite and quote the following:"Unless the teacher understands how the student is using her/his speech organs in producing a native language sound and what s/he should be doing to reproduce the foreign language sound acceptably, s/he cannot help the student beyond a certain stage of earnest but inaccurate imitation." [Wilga Rivers - Teaching Foreign Language Skills]. From this quotation we can infer that all teachers serving English Language Learners (ELL) and language teachers, namely teachers of ESOL(English for Speakers of Other Languages) who study the sound system of their students’ native language will be better prepared to deliver an effective quality language instruction and appropriately deal with common mistakes resulting from either interference or transference of the structure and functionality of their native language into the target language, English Language Arts in this case.

Pirkursu di Kriolu di Kabu Verdi – Un Análizi Krítiku y Otimista


Kuzé ki nu krê na xadrês linguistiku kabuverdianu? Bipolarizason linguistiku ó kriason di un expasu di konsénsu y kria kondison juridiku y konstituisional pa dizenvolviméntu di Kriolu y Portugês na orizontalidadi?
Es é pergunta ki N ta dexa li en abértu y nu ta konta ku nhos axega pa enrikisiméntu di es expasu di refleksãun y tróka di ideias.

N ta avansa ku siginti eleméntus di respósta a nha própi pergunta:

1) Kriolu sénpri foi lingua di kumunikason informal pa kabuverdianus. Na tabérna, na kanpu di futibol, na diskotéka, na fésta, enfin na anbientis undi ki Kabuverdianus ta sosializa, kumunikason é fetu expontaneamenti y livrimenti na Kriolu. Na kes situason la fluênsia na Kriolu é tal ki kuazi ki ka mesti pensa pa skodji palavras pa fla. Es ta sai faxi y sen érru. Nu ta fala kriolu ku puréza y na diskóntra. Nu ka ta fadiga ku érru. Na papia purtugês kuzas dja é diferenti. Nu ten ki ta transfiri di kriolu pa purtugês y kela ás vezis ta induzi-nu na érru pamodi kes dôs língua ka ten mésmu strutura nen léxiku. Keli é un di kes priokupason di Dr. Jorge Carlos Fonseca na un artigu resenti na undi ki el ta ritrata difikuldadis ki alguns kabuverdianus mésmu kes ki fazi kursu superior na Purtugal ta enfrenta. Nos tudu nu sabi ma na situason di kumunikason formal, txeu kabuverdianus, N ta pensa ma kuazi maioria di kabuverdianus própi, ta pensa pa skodji vokabuláriu k’el ta mesti y ta tanbê el ta pensa na strutura kurrétu na purtugês y mesmu asin es ta da barraka na purtugês. Má keli ka signifika ma es debi dizisti di papia purtugês y papia só kriolu. Nãun, antis pelu kontráriu, es debi kontinua ta papia, prendi más y midjora ses purtugês, sobretudu n’un perspetiva internasional na undi ki purtugês ten maior abranjênsia di ki Kriolu.

2) Kriolu é identidadi di kabuverdianus. Pur isu tudu kabuverdianus debi da-l karinhu y valoriza-l. Purtugês y Kriolu ta konplementa y suplementa kunpanhéru, enbóra seja ki struturalmenti es é konpletamenti diferenti. Nu ta meste-s tudu dôs, má pisoas ta fla erradamenti ma Kriolu é Purtugês mal papiadu pamodi 99% di palavras na Kriolu ben di Purtugês. Kuza ki kes gentis la ta skesi, é ki un lingua é ka só se léxiku ki da defini-l, má sobretudu se sintaksi ó seja se própi strutura. Anton N ta pruveta pa manda kes gentis la un rekadu y fla-s ma Kriolu ka foi dadu, ka ben, nen ka foi enprestadu di purtugês. Kriolu é sin un konkista linguístiku di povu kabuverdianu, alkansadu grasas a un forti determinason, konbati, y ixpiritu di luta na undi ki kabalu di batalha foi kel rezisténsia sékular sén igual. Foi un luta pa diféza di dignidadi di ómi y mudjeris kabuverdianu, ses kultura, tradison, forma di ser, di sta, y di afirma na mundu. Ku txeu orgulhu nu ta fla ma foi un luta ki kumesa ku vitória enbóra na sufriméntu.

3) Nos kondison di kabuverdianus ki nos tudu é y nãun purtuguês di Kabu Verdi ta fala más altu: nu fazi u ki ten ki ser fetu; Kabu Verdi é pa kabuverdianus ki ta opta pa kumunika na Kriolu ó na Purtuguês konformi se liberdadi linguistiku di skodji se língua p’el exprimi. Limitason di purtuguês ó kriolu debi ser konbatidu y potensiadu y kria un expasu linguistiku abranjenti y dexa nos lingua dizenvolvi ku armonia na dôs eixu ekuidistanti di nos alma, spritu y konvikson: Purtuguês y Kriolu é nos expuenti másimu. Ningen ka debi subtrai-nu kel direitu fundamental li ki é di ser lito-verdianu sima foi fladu pa un ilustri pensador kabuverdianu. Nos é kabuverdianus na un anbienti linguistiku ki ta inklui y nãun isklui Purtugês. Má nos é ka purtugês sen ser kabuverdianu. Ser kabuverdianu debi refleti nos dualidadi linguistiko-kultural. Nos é kabuverdianus pamodi nu foi kolonizadu pa portuguezis. Nos kabuverdianidadi é un spedju gemia ki ta refleti purtugês ó kriolu konformi bu krê puzisiona en relason a el.

4) Nu ta da kónta ku satisfason ki alguns kabuverdianus gósi sta ta skrebi na Kriolu, tantu na jornal inprésu komu na jornal eletrôniku, na revistas y através di otus meiu. Má infilizmenti txeu d’es (basta nhos repara na manera ki alguns ta skrebi na Kriolu na Liberal online) ka ta uza alfabétu ofísial ki é ALUPEC. Un faktu kuriozu ki-m ta gostaba di sabi: pamodi ki es ka ta uza ALUPEC? É pamodi es ka konxi ALUPEC ó é pamodi es krê provoka dizórden linguístiku? Y pa konpostura, sta uns ki ta pensa ma aséntu ka debi ser uzadu na Kriolu kontrariamenti a ki Dotor Manuel Veiga, linguista di formason y konpetenti na es matéria, ta difendi. Y tanbê ten otus ki ta atxa ma ka debi uzadu y pa konjunson koordenada kupulativa sima Dotor Veiga ta propoi, má sinplismenti uza i sima ki un lingua ten ki ser 100% fonolójiku ó morri ó skapa. Nu ta agradeseba kes pesoas la si es podia klarifikaba ses puzison nes kistons li.

5) Má guvérnu ka sta ta leba es asuntu di ofisializason di Kriolu a sériu, N ta konkorda sin sinhor ku prufisor Agnelo A. Montrond ó modi ki nhos ta txoma-l, keli ka ta inpórta, y tudu kenha ki sta atentu a es asuntu sabi ma maioria di kes (arrogantis) ménbrus di guvérnu, alguns pulítikus tanbê ki ta pensa ma si es papia na purtugês povu ta pensa ma es é más intilijenti, más kapaz, más konpitenti, enfin nhos dja ka sabi kuzé ki-m krê fla, ta papia só na purtugês na parlaméntu, na rádiu, na televizon, y na otus lugaris públiku. Má kanpanha gó es ta fazi só na Kriolu. Un kazu kuriozu y interesanti. Nhos sabi pamodi? Ten un razon. N ta dexa pa nhos diskubri pamodi. Di nos guvernantis, nos pulitikus, ajéntis susiais, rilijiózus, etc, nu mesti é ason n’es kaminhada rumu a ofisializason di Kriolu. Dja basta di diskursu di térra kemadu y só di reklamason. Lingua é fator di dizenvolviméntu – atoris pulitikus debi prununsia sobri kistons di fóru linguistiku y viabiliza konsénsu en matéria linguistiku. Nhos debi ta konkorda ku mi óras ki-m ta fla ma nu ka ten un pulitika linguistiku klaru na Kabu Verdi. Nu ten nesesidadi di un pulitika linguistiku ki ta koloka na séntru aspétus istorikus y identidadi linguistiku y kultural di kabuverdianus: purtugês y kriolu debi konplimenta kunpanheru y não exklui kunpanheru, nu ta torna fla y en vós altu gó. Kistons di foru juridiku, pulitiku y konstituisional debi ser debatidu pa atoris pulitikus, sidadons independenti y menbrus di guvérnu na prokura di konsénsu en matéria di língua. Dja sta altura di nu ultrapasa barrera di diferénsa linguistiku-ideolojiku ó pilitiku y nu uni na diferénsa pa difini nos dinominador linguistiku kumun: kriolu é nos identidadi nu ka podi nega-l y purtugues é nos eransa di sinku sékulus di kolonizason y nu ta meste-s tudu dôs pa nu expresa livrimenti konformi nos liberdadi di exkolha ki debi fika konsagradu na nos konstituison. Nu krê odja kel konstituison amendadu pa rekonhesi statutu ki Kriolu mesti ten sima purtugês. Nos konstituison y sobretudu nos puder pulítiku debi rikonhesi direitu ki krainsas kabuverdianus ten na prendi y dizénvolvi ses lingua di bérsu, sima ta kontisi ku kriansas purtugês na Purtugal. Pelu ménus, Kriolu debi dadu mésmu funsionalidadi ki Purtugês. Nu ka krê nen más nen ménus, y nen nu ka sa ta pidi-l di zimóla ó pa un kiston di favor, pamodi ningen ka debi nega kriansas di Kabu Verdi direitu ki es ten a studa ses lingua Kriolu, sima tudu kes otus kriansas di mundu ten direitu di studa ses lingua tanbê. Nu sa ta fala di un direitu fundamental ki es ten má ki sa ta ser subtraidu tudu dia ki manxi. Nu ta apela pa kenha ki é di direitu toma mididas pa direitu linguistiku di nos povu ser ruspetadu. Kriolu ka debi ser nén más nén ménus ki purtugês. Kada un ten ser lugar na isféra di nos liberdadi linguistiku. Nu ka debi inpoi ninhun d’es. Dja nu é bilingi dja. Má ku kuidadu pamodi Kabuverdianidadi é ka un produtu purtugês puru. Antis pelu kontráriu é un derivadu di purtugês ku alguns trasus di luzofonia. Endoskopia di kriolu ta revela presizamenti es faktu kuriozu.

Será ki nu debi ajenda un dibati na parlamentu y puzisiona formalmenti sobre es kiston linguistiku di ofisializason di Kriolu?


Kabuverdianamenti

Kriolista-Térra-Térra

Fladu ma Universidadi di Kabu Verdi ka ta integra Kriolu na se kurríkulu di linguas


Fladu ma Universidadi di Kabu Verdi ka ta integra Kriolu na se kurrikulu di linguas. Keli é própi xuxadera y tudu kes gentis armadus en kriolistas ta fika ku bóka kaladu y ka ta fla nada. Mesmu kes ki é responsávil pa promoson divulgason y valorizason di lingua y kultura kabuverdianu inda ka prununsia sobri es grandi érru y maior lakuna ki nu podia ten na ensinu superior na Kabu Verdi. Nu ta pidiba algen k’é di direitu y ki ten responsabilidadi n’es materia pa da povu di Kabu Verdi, kes ki sa ta vivi lâ na Térra y tanbê kes ki sta ta vivi fóra, un explikason konvinsénti sobri es situason y desdi já nu ta pidis p’es toma mididas imediatas pa poi kobru a es érru ki é sima un punhalada ki es da na korason di alma di kes defensoris di kriolu sima Sérgio Frizoni, António De Paula Brito, Eugénio Tavares, Pedro Cardoso, etc. Si es staba bibu algun kuza es ta fazeba. Má mesmu mortu, ses alma ka debi sta suségadu na undi ki es sta. Es debi sta revoltadu sobri manera ki nos dirijentis sta ta brinka ku kuza sériu.

N krê aproveita pa agradesi Senhor Prizidenti di FORCV, Dr. Alberto Barros Pina, pa ter pensadu y kriadu es expasu di dibati y reflekson sobri Kriolu di Kabu Verdi. N ta spéra ma tudu kes ki teni algun kuza pa fla (N sabi ma txeu algen ten kuzas pa fla) ta aproveita es oportunidadi y ku elevason y ruspetu ta apresenta ses pontu, sen ofénsa ó insultu. Nu partisipa di fórma konstrutiva y nu poi kontraditóriu ta funsiona pa nu podi da kel saltu kualitativu y dignifika nos lingua ki é ka lingua di kuzinha sima ki txeu di nos ki inda sta ku kel mentalidadi kulonial ta pensa.

Un olhar aténtu sobri jornalistas (ku diploma ó sen diploma, sima nu sabi é keli ki é nos realidadi) ki nu ten li na kumunidadi: N ta kuntinua ku es asuntu brevimenti.

Kriolistu Ku K

1) Nu ta manda un rekadu pa pisoas ki sta na kumunikason susial oral pa ser un poku más responsável y prudenti ku ouvintis: nu ta alerta-s pa es ka kunfundi joiu ku sevada; es debi da mon pa nu da palmatória óras ki es ta bai papia sobri irupson di vulkon di Fogu y pur inkuria, lapsu, ignoransia, ó “sei lá o quê”, erradamenti es ta papia sobri korupson di vulkon di Fogu sen ki ningen da konta. Fladu ma na térra di manku koxu k’é rei. Será isu ki sa ta kontisi na nos kumunidadi?

2) Un otu kuza ki nu ta repara na kumunikason susial oral na kumunidadi é pobréza na ses grelha di programason: es ten un konseitu obtuzu y kroku sobri idukason y kultura. É basta nu bota odju na prugrama Selo Ernestina ki ta manipula, dizinforma y disvirtua akontesiméntus di interesi pa kumunidadi. Nu ka debi kontinua ta tolera es stadu di kuzas la. Ma é própi alguns di nos mé ki sa ta promovi es kuza li. En vês di nu kritika kuzas ki sta tortu nu ta ilujia u ki nu debia kondenaba. Selo Ernestina y Arku Iris debi ten un papel neutru na trataméntu y divulgason di informason. Nu sabi ma es ta sensura tudu ki ta poi en kauza interesi pesual di ses dirijentis. Nhos teni dúvida? Nhos fazi piskiza y nhos ta diskubri kuza ki nhos ka sabi. Má ke-li inda é ka nada konparadu ku mizéria di ses grelha di programason: di idukason y kultura parse-m ma só es obi ta fladu. Ses prugrama é fodoku y é ka ta atrai atenson nen interesi di ninhun jóven ó adultu. Dja basta di k’es múzikas ripitidu, di k’es konbérsu fiadu, y di k’es entrevista fabrikadu. Nu ta pidi-s pa da abertura, p’es kria kondisões y atria un ekipa forti ku pesoas entendidu na kumunikason susial y brinda nos kumunidadi ku un prugrama di kualidadi, na undi ki idukason ta dadu se dividu trataméntu ku abranjênsia y alkansi ki n’es muméntu sa ta fadja redondamenti, pa informa y forma telespetadoris sobretudu k’es ki txiga na Mérka di novu sobri semelhansa y diferensa ki ten entri kultura kabuverdianu y kultura merkanu, sistema legal kabuverdianu y merkanu, sistema idukativu kabuverdianu y merkanu, enfin kontribui pa es podi fika preparadu pa navega ku susésu na Mérka. Nu sabi ma es ka ten un ixpiritu demokrátiku y di abertura pamodi es ta atxa ma es é k’é fundadoris y ki sabi más y midjór ki tudu algen pamodi es txiga li pruméru. Nhos imajina uns individus di k’es kalibri la ki ta auto-proklama komu nos líderis y apoiadu pa un grupu di fantoxis ki ka ta odja más lonji ki ses própi naris. K’es gentis la dja da tudu ki es tinha pa da. Nu ta sujiri-s pa-s dexa nos jóvens rapazis y raparigas toma rédia y konduzi distinus di kumunikason susial oral na kumunidadi enkuantu ki k’es velha guarda ta fika na retaguarda y asesora-s si fôr nesesáriu. Dja txiga óra di es intendi ma lugar kativu ka debi izisti más, nen menbru vitalísiu di kumunidadi ka debi figura na ninhun “Bylaw” ki ten. Es é un asuntu ki pa si inpurtánsia, nu ta atxa ma debi ser diskutidu na un forum própriu, ki nu ta sujeri pa ser fakultadu pa Prizidenti di FORCV, Senhor Alberto Barros Pina.

Nu ta spera ma nhos ta da nhos kontribuison puzitivu ku nhos reason a es asuntu.

Kabuverdianamenti,

Kriolista-Térra-Térra

Um ta otchá bnit tud ess defesa de nos lingua materna.
Ê bom sabê que pessoas crê dá valor a sis raiz.
Ma, no tem que pensá que criol, moda que bsot te oiá pe nha forma de escrevê, catem um variante sô. Por isso, oficializá ou estudá criol ne Cabo Verde ta exigi mut mas tcheu pesquisa e traboi.
Mi um te defendê nos criol ma um que te concordá que forma de manuel Viga te expô esse assunto. Nô devê tem tcheu atenção quanto a ess assunto porque el te merecê tcheu consideração antes de avançá te defendê criol como lingua oficial. Aliás, moda bsot podê oiá (ou alguns de bsot podê até negá) nos criol tem tcheu traços de português, além de parcê sempre um ou outro traço que cá ê prop originário de português.
Por exemplo termos técnicos tem sempre kel traço de português como era de esperá. Aliás Amilcar Cabral um vez dzê que português era um de quish maior riqueza que colonizadores tchá nôs (alémde tcheu kesh trá nôs também nem!). Ainda tem outros palavras, por exemplo ne sõ vicente, que cá ê nem português nem de origem africana, alguns de origem inglesa, ne São vicente pelo menos. E isso te trazê outra vez kel questão de "variante" local. Por exemplo ne São Vicente no te dzê "boys" e ne santiago "rapazinho" ou "rapaz," hehehehehe.
Portanto, ne nhe opinião, no tem que ter orgulho sim ne nôs criol. No tem que espiá formas de documental e tentá ensinal pe kesh que cá te ne Cabo Verde, ma também que esquecê kel grande influência de português na el. Que te adiantá no rejeitá kel influência mod el tá lá. I isso te torná nos trajectória de valorizá criol ainda menos dificil.

Um abração bá bo também Kriolista.
Esse cum te tchmá dialogá e encontrá soluções e novas ideias.
Um que tem um conhecimento profundo di linguas, por isso ê sempre benvindo esse esclarecimentos. Um crê sempre prendê mas c'nhas irmon dent e fora de CV. Força e coragem pa pô criol lá de riba!