Apesar di keli e' un asuntu ki podi alguns na dexa Direson Geral di Disportu di Kabu Verdi ku arepius, mim tatxa na timis kanpion di ligas Kabuverdianus na Diaspora ( di Portugal, Di Merka, Holanda, Fransa, y mas otus paisis undi ten liga di timis kriolus) y kampion di Kampionatu Nasional di Kabu Verdi debi kria un Liga Interkontinental di Kampions di Nason Global Kabuverdiana ku statutu superior a kampionatu nasional. Kl liga di faktu ki ta disidi timi kampion di Kabu Verdi na kualidadi di Nason Kabuverdiana y nau limitadu a area giografika.
Kel idea li ten txeu importansi pa unifikason di nos povu, pa nos disenvolvimentu y afirmason di Kabu Verdi na arena di futibol mundial. Nao so nu ta serba primeru Pais a fazi un kuza ineditu si, mas tambe nu ta mostra mas nos povu na undi kes esta es e' kabuverdianu unidu - un union sen frontera. Kela ta djuda kebra txeu prikonseitu ki nu ta odja entri imigrantis di diferentis paisis y Kabuverdianus na tera. Tambe e' ta geraba munti troku pa Direson Geral Di Desportu pamodi munti alguem ta bai pa kampu - kada anu na un pais diferenti (klaru ki nu ten ki pensa na problemas di dislokason, mas si Europa ta fazel nos me nu podi fazel) -, mas dinheru di publisidadi y patrosinadoris y mutu otus binifisius.
Kusa keli ta exigi un excelenti organizason y kondenason. Nha pergunta e': sera ki Kabu Verdi y si Direson Geral di Disportu stra preparadu pa isu?
Nu podi kumesal na un pikena eskala komu un experiensia pilotu: ki tal es anu pa tirseru Jorge Fidalgo Soccer Challenge Seleson organizadoris konvida sileson Nasional di CV pa djuga ku sileson CV li na Merka? Si kusas kori dretu, es podi expandil kelotu anu a otus silesons di imigrantis kriolus na otus pais.
FAQ
Search
Memberlist
Usergroups
Register
Profile
Log in to check your private messages
Log in
