Pa nhos ki eh kabuverdianu, ki ta vive na Boston, ki tem nu minino 21 ano di idadi, 32 maximo, tem diploma di liceu(high school), ki sabi papia y skrebi na Kriolu, y ki eh sidadon Merkanu, y mas inda, ki ka tem nenhum "criminal record", nhos sta ku sorte. Departamentu di Polisia di Boston(BPD) sta mesti mas polisias di origin Kabuverdianu, espesialmenti pa kes ki tem dominio na Kriolu. Eh basta nhos fase teste, ti dia 19 di Maio, pa nhos entra na Akademia di Polisia di Boston. Durante 6 mes di bu stadia na akademia di Polisia di Boston, bu tem kafe, almoso, janta y kau denta y ainda mas um "stipend". Teste pa Polisia di Boston eh fasil.
Trabadju di Polisia eh fixe, ta paga bem(kuazi $50 mil dolas pa anu so pa kumesa) y alem disso, nos kumunidadi na Boston sta mesti mas polisia di origin Kabuverdianu ki sabi papia kriolu y ki ta intendi nos kultura dretu. Portanto, si bu tem kes requizitus li, sidadinia merkana, 21 anu di idade mininu, diploma di liceu(high school) nenhum "criminal record", y si bo eh residenti di Boston, bai na um kualker skuadra di Polisia di Boston y bu pidis um applikason.
Bu vida podi troka radikalmenti pa midjor. Fazi diferensa! Kandidata pa proximo akademia di Polisia di Boston.

Dia 19 di Maio, ultimo dia pa kandidatura.

JoinTheBPD.com

Mas um bez xan fazi apelo pa anhos kabuverdianus ki ta mora na Boston: Dipartamentu di Polisia di Boston kre pa nhos kandidata pa kel novo akademia di polisia ki sa ta bem. Es sta mesti kandidatus kabuverdianu urgenti!!! Pa nhos ki sabi papia kriolu, kim tem sidaneniia Merkanu, ki tem diploma di high school, ki tem nu minimu 21 anu di idadi, 32 maximu, y ki ka tem kadrastu kriminal, anhos eh pratikamenti garantidu trabajo komo Polisia di Boston dili di 6 mes. Polisia di Boston ta ganha rei di bem, quazi mil dola pa simana so pa kumesa. Durante bu stadia na akademia di Polisia Boston, bu tem kafe, almoso, kau deta y dinheru na bolso. Portanto, sima bu sta odja, bu ka tem nada a perdi, so ganha. Ba fazi aplikason oji! ka bu dexa tempo perdi, tempo eh oru.

Candidatus interesadus ten prazu ti 2 di Abril des anu li pa inskrevi pa fazi testi di servisu sivil.

Candidata na JoinTheBPD.com

Boa Sorti