DISTINU RABELADU


Na pobréza y na solidãu
Sen sertéza y sen futuru
N’un mundu ki Déus nega-nu
Más ki fé nunka falta-nu.

Ó Déus, ó Déus!
Nho fla-nu si nu más ki mil pekadu!
Nu ta reza tudu dia
Nu ta beja tudu pedra, tudu Santu
Di nos manêra!

Nos ê sima karapáti ku purgêra!
Si nase, ta kria!
Si kria, ka ta morre!
Si morre ta torna nase!

Ka ten bentu
Ka ten trubada
Ka ten lumi
Ka ten ralanpu
Ka ten nada ki ta distruí-nu!

D’es mundu ningen ka ta tira-nu.
Fla m’ê Rabeladu ki fla!
Si nu matadu, nu ka ta kumêdu
‘Nterradu ó nãu, séu nu ta bai!

Povu ki sofrê é só nos mé!
Nos distinu é prumetedu:
Nu nase na inférnu
Nu ta ‘nterradu na paraízu!

By Dr. Azágua
in:

Only registered users can see links on this forum! Register or Login on forum!

Sin senhor Dr. Azagua. Kes palavras li ta espressa kel verdadeiru spritu di rabeladus di interior di Santiagu.

Azagua bali, tocante es poema, bonita y expressivo.
Nhas parabens, es poema sta tudu caboverde dentro, ku bento y txuba di mes di setembro.
Eroinacv

Sim Sinhor, keli ku b leza e mixa ku pistan catoto. Roda ah ta zinga ma n ca ai ta bai. Ami Palo, homi di 29 anu didadi, ku fijdo di 25, n sta filiz purki djan sabi le.