Mas um bez, n'kre apela a tudu kabuverdianus di Brockton ki sta registadu pa vota, pes ka skesi di vota pa Jass Stewart, na Tersa Fera ki ta bem, dia 6 di Novembro. Jass Stewart ta akredita y ta pusta na kapasidadi di Kabuverdianus di Brockton y di tudu parti. Purtantu, si bu Jass Stewart bu votu na Tersa Fera ki ta bem li, bu ka ta rapendi. Jass Stewart sta pruntu peh poi kabuverdianus la na puleru sima nu meresi. Ma, primeru nu tem ki fazi historia, nu tem ki vota pa Jass Stewart, Tersa Fera, dia 6 di Novembro, sem falta.

Tersa Fera kriolus di Brckton ten un opurtunidadi rara di vira kuzas na Brockton pa benifisiu di kumunidadi. Jass Stwart en vez di akuza nos jovens di violentus y sima kel Mayor ki sta gosi akusazanu, e' kre trabadju djuntu ku nos kumunidadi pa reduzi crimi y violensia. Mas alen disu, e' kre da kriolus un papel inportanti na disenvolvimentu di Brockton sima kel lotus rasas tambe. Por isu nu ka debi perdi kel xansi ki nu teni na mo li. Nu vota pa Jass pamodi kel Mayor ki sta gosi nu dal si xansi nada e' ka fazi pa nos. E' un vergonha oras ki kriolus ta sai di Brockton ta bai toma aulas di Ingles (ESL) na Boston pamodi lista di spera na programas di ESL na Brockton e' kumpridu dimas. Kamara di Brockton sabi ma ten un grandi nisisidadi di kela, mas e's ten stadu ta vira rostu pa otu ladu y ignoranu. Na Tersa Fera nu ignoras tambe y nu vota na kenha ki ka ta ignoranu: Jass Stewart!