Guentis, n mesti nhos opinion sobre es fenomeno di sociedade ki txoma NOVELA. Ha tempos, n txiga casa, n da ku nha mai ta txora, ta lamenta morte dum grandi amigo. Cantu n perguntal kem ki morri e fla, Senhor Joao.

Mas kem ki e Senhor Joao, n perguntal? E fla e Senhor Joao de Dona Irene, coitado, nao somente akela runha pol corno, e acaba pa poi si amante matal. Um homi ki faze bem undi ke bai, tudo kem ki pedil. Mi propi sim staba la perto n ta mataba es mudjer.

Mas, mama el e di undi? E respondi: mi n sabi!!! Nunca es fla. Cantu n insisti pam sabi undi ki homi ta morra, ke pan podi leval pa e ba visita, e flan: nah bu ka podi visita, es e la di Brazil.
Brazil? Abo modi ki bu conches? Cu lagrimas na odjo e respondi: eh e ta bem na novela. Ma nton si mudjer matal y novela dja caba? E fla: Nah, e na novela ke matal. Na verdade inda e debi sta vivo.

Paxenxa, tudo isso por causa de un actor de terceira zona dum novela brazilero de quinta categoria. CV dja sta tanto viciado ki pa um maioria di nos guentis vida ta para ora ki novela comeca. Unico razon pamodi nos guentis ta chatea cu Electra e pamodi es ca ta consegui odja novela. Ate nos lingua sta muda tudo dia gracas a influencia nefasta de novela.

Ki ramedi nu tem contra es praga ki sta poi cerebro di um camada de populacao Caboverdiana mas moli ki papa? Nu tem ki fazi um campanha contra es fenomeno negativo de sociedade.

Frutuoso

Bu ten razon. Novela ta poi alguem vive na sureal y tencausadu mutu problemas pa nos, especialmenti li na Cabo Verde pamodi txeu di nos ta imitan na nos vida diaria sen sabendu ma kel vida di novela la e so drama.

Ami propri djan foi vitima di efeitos di novelas. Mas e dificil largal pamodi e ta cria un dependencia pa el na anguem fora di serio.

De facto es factor dependencia e grave mas muto mas grave e o facto de novelas ta desinstrui pessoas. E ta poi pessoas ta bira cada vez mas burro, ta pensa e dialoga so em termos do kes sta odja na televizon. Pessoas ta xinta horas y horas pa papia de tal o tal otro novela, enquanto isso educason de meninos ta sufri, ambison inexistente, ou seja unico ambison des pessoas ta bira "sigui" novela. Dam nha pon de cada dia foi trocado pa ranjam nha novela tudo dia.

Preocupante...

Frutuoso